“Yehowa udi Mulami wanyi”

1. Yehowa mMulami wanyi;

ndi mua kutshina tshinyi?

Bualu mMukubi wa mikoko,

mmumanye buonso buayi.

Udi undombola bimpe

ku mâyi matalale,

undeja njila wa buakane

bualu bua dîna diende.

Undeja njila wa buakane

bualu bua dîna diende.

2. Ntu ngendela mu mîdima

nkayanyi tshiyi ntshina.

Bualu Yehowa udi nanyi,

yeye udi unkuba.

Mmungele manyi pa mutu,

majinga anyi mmûje.

Bulenga buende nebundonde,

mu nzubu’ende nensombe.

Bulenga buende nebundonde,

mu nzubu’ende nensombe.

3. Yehowa mMulami muimpe;

nemmuimbile, nensanke.

Lumu lua kutulama kuende

kuimpe nendumanyishe.

Dîyi diende nendilame,

njila wende nendonde.

Bua dianyisha, dituku dionso

meme nemmusadile.

Bua dianyisha, dituku dionso

meme nemmusadile.