TSHITUPA 6

Mvula wa kabutu udi utulongesha tshinyi?

Nzambi wakabutula bantu babi, kadi wakapandisha Noa ne bena mu dîku diende. Genese 7:11, 12, 23

Buatu bulelema pa mâyi, bantu babi bafua ne banjelu bantomboji balekela mibidi ya buntu ivuabu bavuala

Mvula wakaloka munkatshi mua matuku 40 munya ne butuku, mâyi e kuula pa buloba bujima. Bantu babi bonso bakafua.

Banjelu bavua batombokele Nzambi abu bakumusha mibidi ya bantu, e kuluabu bademon.

Noa ne dîku diende ne nyama bapatuka mu buatu pashishe muanza nkongolo upatuka mu dilulu

Bantu bavua mu buatu bakapanda. Ndekelu wa bionso, Noa ne bana bende bakalua anu kufua. Nansha nanku, Nzambi neababishe bua kushalabu ne muoyo kashidi.

Nzambi neabutule kabidi bantu babi, kadi neapandishe bantu bimpe. Matayo 24:37-39

Satana ne bademon bende bapambuisha bantu mu mishindu ya bungi

Satana ne bademon bende mbatungunuke ne kupambuisha bantu.

Anu bu mu matuku a Noa, bantu ba bungi lelu badi babenga kulonda mibelu mimpe ya Yehowa. Yehowa ukadi pa kubutula bantu babi bonso.—2 Petelo 2:5, 6.

Bantemu ba Yehowa bayisha muntu ne Bible; muntu ubala Bible

Kudi bantu badi benza malu anu bu Noa. Badi bateleja tshidi zambi wamba; bantu abu ke Bantemu ba Yehowa.