Yezu uvua nganyi?

Yehowa wakatuma Yezu pa buloba. 1 Yone 4:9

Tuetu basue kusankisha Yehowa, tudi ne bua kuteleja muntu mukuabu wa mushinga mukole. Bidimu bia bungi kumpala kua Yehowa kufukaye Adama, ukavua mufuke muanjelu kampanda wa bukole bua bungi mu diulu.

Pashishe, Yehowa wakatuma muanjelu au bua kuledibuaye mu Beteleheme kudi Mariya, nsongakaji utshivua kamama. Bakamuinyika dîna ne: Yezu.​—Yone 6:38.

Pavua Yezu pa buloba, uvua uleja menemene ngikadilu ya Nzambi mu malu avuaye wenza. Uvua muntu muimpe, uvua ne dinanga ne uvua muntu wa kukuatshila malu. Uvua ulongesha bantu malu malelela a Yehowa ne dikima.

Yezu uvua wenza malu mimpe, kadi bantu bavua bamukine. 1 Petelo 2:21-24

Yezu wakondopa kabidi babedi, kubishaye ne bafue.

Bamfumu ba bitendelelu bavua bakine Yezu bualu uvua wela malongesha abu a dishima ne malu abu mabi patoke.

Bamfumu ba bitendelelu bakasaka bena Lomo bua kukumabu Yezu bikole menemene ne bua kumushipa.