TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • lfb dilongesha 41 dib. 100-dib. 101 tshik. 2
  • Davidi ne Shaula

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Davidi ne Shaula
  • Malongesha audi mua kupeta mu Bible
  • Bintu bia muomumue
  • ‘Kutumikila kudi kupita milambu’
    Tshibumba tshia Nsentedi tshidi tshimanyisha Bukalenge bua Yehowa—2011
  • Malu adi mu Mukanda wa 1 Samuele
    Bible—Nkudimuinu wa bulongolodi bupiabupia
  • Nkonko ya babadi
    Tshibumba tshia Nsentedi tshidi tshimanyisha Bukalenge bua Yehowa—2007
  • Yezu udi usungula Shaula
    Malongesha audi mua kupeta mu Bible
Tangila bikuabu
Malongesha audi mua kupeta mu Bible
lfb dilongesha 41 dib. 100-dib. 101 tshik. 2
Davidi wela dîyi mu tshitudilu tshia Shaula

DILONGESHA DIA 41

Davidi ne Shaula

Panyima pa Davidi mumane kushipa Goleyata, mukalenge Shaula wakamuteka ku mutu kua tshiluilu tshiende. Davidi wakatshimuna mvita ya bungi, kumanyikaye bikole. Dîba dionso divua Davidi upingana ufumina ku mvita, bantu bakaji bavua bapatuka benda baja maja bimba ne: ‘Shaula mmushipe binunu, kadi Davidi yeye mmushipe makumi a binunu!’ Shaula wakumvuila Davidi mukawu, kujingaye bua kumushipa.

Davidi uvua mumanye kuimba lunzenze bimpe menemene. Dituku dikuabu pavuaye wimbila Shaula lunzenze, Shaula wakamukupa difuma. Davidi wakepela difuma diakamue, kuasadi mu tshimanu. Pashishe, Shaula wakakeba bua kumushipa misangu mikuabu ya bungi. Ndekelu wa bionso Davidi wakanyema, kuyaye kusokoma mu tshipela.

David wangata difuma dia Shaula patshidiye mulale

Shaula wakangata basalayi 3 000, kuyaye wenda ukeba Davidi. Yeye kubuela anu mu nyongolo muvua Davidi ne bantu bende basokome. Bantu ba Davidi kumuambilabu ku ditshi ne: ‘Eu ke mpunga wa wewe kushipa Shaula.’ Davidi kubembela Shaula, kukosaye luzembe lua muzabi wende. Shaula kavua mumanye to. Pashishe Davidi wakumvua bibi menemene bua muvuaye kayi munemeke mukalenge uvua Yehowa muele manyi eu. Kakanyishila bantu bende bua kuluishabu Shaula nansha. Kuelaye mene Shaula lubila wamba ne: uvua mua kuikala mumushipe pavuaye mupete mpunga apu. Shaula uvuaku mushintulule mushindu wende wa kumona Davidi anyi?

Tòo. Shaula wakatungunuka ne kukeba Davidi. Butuku bukuabu, Davidi ne Abishai muana wa muanabu bakabuela mu tshitudilu tshia Shaula bitekete bitekete. Nansha Abinê mulami wa Shaula uvua pende mulale. Ke Abishai kuamba ne: ‘Eu ke mpunga muimpe! Ndekela mmushipe.’ Davidi wakamuandamuna ne: ‘Yehowa neatangile bualu buende. Tuangate anu difuma diende ne dibungu diende dia mâyi tuye.’

Davidi wakabanda pa mukuna uvua pabuipi uvua mutangilangane ne tshitudilu tshia Shaula. Wakela dîyi ne: ‘Abinê bua tshinyi kuvua mulame mukalenge webe? Dibungu dia mâyi ne difuma dia Shaula biepi?’ Shaula wakajingulula ne: dîyi adi divua dia Davidi, ke kuambaye ne: ‘Uvua ne mpunga wa kunshipa, kadi kuena munshipe to. Ndi mumanye ne: newikale mukalenge wa Isalele.’ Ke Shaula kupingana kuende. Kadi ki mbena mu dîku diende bonso bavua bakine Davidi to.

“Bikalaku mushindu, enzayi tshionso tshinudi nuenu mua kuenza bua kuikala mu ditalala ne bantu bonso. Bana betu bananga, kanudisombuedi, kadi nushile tshiji muaba.”​—Lomo 12:18, 19

Nkonko: Bua tshinyi Shaula uvua ukeba kushipa Davidi? Bua tshinyi Davidi kavua musue kushipa Shaula?

1 Samuele 16:14-23; 18:5-16; 19:9-12; 23:19-29; 24:1-15; 26:1-25

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu