TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • lfb dilongesha 42 dib. 102-dib. 103 tshik. 3
  • Yonatana muena dikima wa lulamatu

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Yonatana muena dikima wa lulamatu
  • Malongesha audi mua kupeta mu Bible
  • Bintu bia muomumue
  • Yonatana ‘wakakuatshishangana mudimu ne Nzambi’
    Tshibumba tshia Nsentedi tshidi tshimanyisha Bukalenge bua Yehowa—2007
  • Leja muudi ne lulamatu kudi Yehowa
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2016
  • Tungunukayi ne kunangangana bikole
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2021
  • Nkonko ya babadi
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2022
Tangila bikuabu
Malongesha audi mua kupeta mu Bible
lfb dilongesha 42 dib. 102-dib. 103 tshik. 3
Yonatana ne mumuambuidi wa bia mvita

DILONGESHA DIA 42

Yonatana muena dikima wa lulamatu

Yonatana muanabute wa Shaula uvua muena mvita wa dikima. Davidi wakamba ne: Yonatana uvua ne lubilu mupite nyunyi wa mukanku ne uvua ne bukole mupite nyama wa ntambue. Dituku dikuabu Yonatana wakamona basalayi 20 ba bena Peleshete pa mukuna. Ke yeye kuambila mumuambuidi wa bia mvita ne: ‘Netubele mvita anu Yehowa yeye mutupe tshimanyinu kampanda. Bena Peleshete bobu batubikile, apu netubabunde.’ Bena Peleshete bakela lubila ne: ‘Luayi tuluangane!’ Nunku balume babidi abu bakabanda ku mukuna, kutshimunabu basalayi abu.

Yonatana upesha Davidi bimue bia ku bintu biende

Bu muvua Yonatana muanabute wa Shaula, yeye ke uvua ne bua kumupingana mu bukalenge. Kadi Yonatana uvua mumanye ne: Yehowa uvua musungule Davidi bua kuluaye mukalenge wa Isalele; nansha nanku kavua mumumvuile mukawu to. Yonatana ne Davidi bakalua balunda ba dikema! Bakalayangana bua kukubangana ne kuakuilangana. Yonatana wakapesha Davidi muzabi wende, muele wa mvita, difuma ne mukaba wende bu tshimanyinu tshia bulunda buabu.

Pavua Davidi wenda unyema Shaula, Yonatana wakamulonda, kumuambilaye ne: ‘Ikala mukole, wikale ne dikima. Yehowa mmukusungule bua wikale mukalenge. Nansha tatu mmumanye nanku.’ Udi musue pebe kuikala ne mulunda muimpe bu Yonatana anyi?

Misangu ya bungi Yonatana uvua uteka muoyo wende mu njiwu bua kuambuluisha mulunda wende. Uvua mumanye ne: mukalenge Shaula uvua ukeba kushipa Davidi, ke yeye kuambila tatuende ne: ‘Wewe mushipe Davidi netshikale mpekatu; ki mmuenze bualu bubi nansha bumue to.’ Shaula wakafiikila Yonatana munda. Bidimu ndambu pashishe, Shaula ne Yonatana bakafua pamue mu mvita.

Yonatana mumane kufua, Davidi wakakeba Mefibosheta muanende. Pakatuilangana Davidi ne Mefibosheta, wakamuambila ne: ‘Bu muvua tatuebe mulunda wanyi wa pa muoyo, nenkutabalele matuku ebe onso a muoyo. Neusombele mu dibalasa dianyi ne neudie ku mêsa anyi.’ Davidi kakapua mulunda wende Yonatana muoyo to.

“Nunangangane anu bu mundi mununange. Kakuena muntu udi ne dinanga dinene kupita edi: bua muntu afile muoyo wende bua balunda bende.”​—Yone 15:12, 13

Nkonko: Mmunyi muvua Yonatana muleje ne: uvua ne dikima? Mmunyi muakalejaye ne: uvua ne lulamatu?

1 Samuele 14:1-23; 18:1-4; 19:1-6; 20:32-42; 23:16-18; 31:1-7; 2 Samuele 1:23; 9:1-13

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu