“Nzambi udi dinanga”

1. Nzambi ndinanga; mmuambe bua

Tunange njila wende.

Tumunange ne muinetu

Bua tuenze malu mimpe.

Mu dinanga mmudi muoyo,

Muoy’utudi tukeba.

Dinang’anu bu dia Kristo,

Kadiena difua nansha.

2. Kunanga bulelela ne

Nzambi nkutuambuluishe.

Patuapona n’atujule;

Yeye n’atukuatshishe.

Dinanga nditoke, ndimpe,

Kaditu ne mukawu.

Bua kumvua mutu dinanga,

Tunange bana betu.

3. Lukinu kalukukuatshi,

Kalukunyangi nansha.

Ulonde Yehowa Nzambi,

N’uyile mêyi aa:

Nanga Nzambi ne muinebe,

Wenze malu’a dinanga.

Tulejangane dinanga

Dia buena dia Yehowa.