Diakula ne musangelu ne diditeka pa muaba wa bakuabu

1 Tesalonike 2:7, 8

TSHIA KUENZA: Akula ne musangelu wa bushuwa, ne leja bateleji bebe muudi ubatabalela.

MUA KUTSHIENZA:

• Ikala ne bateleji mu lungenyi. Longolola muoyo webe pa kuvuluka malu adi abatatshisha. Teta kufuanyikija mudibu bumvua.

• Sungula mêyi ne meji onso. Keba mua kupeshilula bateleji bebe bukole, kubasamba, ne kubakankamija. Epuka mêyi adi mua kubafikisha munda tshianana, ne kupepeji badi kabayi bantemu anyi malongesha adibu bitabuja ne muoyo umue to.

• Leja muudi ubatabalela. Dîyi dimpe ne jeste mikumbanyine bileje muudi uditatshisha bua bateleji bebe ne muoyo mujima. Tabalela tshilunji tshiebe tshia mpala; ikala utua mimuemue.