MANDAMUNA A NKONKO YA MALU A MU BIBLE
Nnganyi waya mu diulu ne mbua tshinyi?
Bantu ba bungi mbasue kuya mu diulu. Yezu wakamba ne: bapostolo bende ba lulamatu nebikale ne bua kuya mu diulu. Kumpala kua yeye kufua, wakalaya bua kuya kubalongoluela muaba ne Tatuende wa mu diulu.—Bala Yone 14:2.
Bua tshinyi nebabishe bantu ba pa buloba bua kuikala ne muoyo mu diulu? Ntshinyi tshiayabu kuenzamu? Yezu wakambila bapostolo bende ne: nebikale bakalenge. Nebakokeshe buloba bujima.—Bala Luka 22:28-30; Buakabuluibua 5:10.
Bantu bimpe bonso nebaye mu diulu anyi?
Mu matunga a bungi, bantu bakese tshianana ke batu bakokesha. Bu mudi Yezu ubisha bantu ku lufu bua kuikalabu ne muoyo mu diulu bua kukokeshabu buloba bujima, nunku bantu badibu basungule bua kukokesha abu badi ne bua kuikala bakese tshianana. (Luka 12:32) Bible udi uleja patoke bungi busunguluke bua bantu bakokesha ne Yezu.—Bala Buakabuluibua 14:1.
Yezu mmulongoluele bamue bayidi bende miaba mu diulu. Udiku mumanye tshiayabu kuenzamu anyi?
Nzambi kakufuta anu bantu baya mu diulu to. Bantu bikala Bukalenge bua Yezu ne bua kukokesha nebikale ne muoyo wa tshiendelele pa buloba bukudimuna mparadizu. (Yone 3:16) Bamue bantu bashala ne muoyo pabutulabu bulongolodi bubi bua malu ebu nebabuele mu Mparadizu. Bakuabu nebabuelamu pababishabu ku lufu.—Bala Musambu 37:29; Yone 5:28, 29.