Mandamuna ku nkonko yenu

▪ Nnganyi unudi mua kupesha kabeji ka tshimanyishilu bua mpungilu wa distrike?

Tubeji tua tshimanyishilu bua mpungilu tudi tuambuluisha bikole bua kusunguluja bana betu ne bua kumanyisha mpungilu. Nenku kabena ne bua kutufila tshifilafila kudi bantu to. Tubeji etu tutu tuleja ne: badi batuvuale mbantu ba bikadilu bimpe ba mu tshisumbu tshia Bantemu ba Yehowa.

Pa kabeji aka padi muaba wa kufunda dîna dia muntu ne dia tshisumbu. Nenku kadi kaleja ne: muntu udi mukavuale ng’wa mu tshisumbu tshiena dîna didibu bafundepu. Société utu utumina tshisumbu tshionso tubeji tua tshimanyishilu. Mbiakanyine kufila kabeji aka anu kudi mumanyishi yonso mutambule ne udi kayi muanji kutambula. Nudi kabidi mua kutupesha bana ne bakuabu bantu batu pa tshibidilu babuela mu bisangilu bia tshisumbu, bia muomumue ne aba bakadi pa kutuadija mudimu wa buambi. Ki mbimpe kukapesha muntu udibu bipate mu tshisumbu nansha.

Panuapeta tubeji atu, mbimpe bakulu bikale ne dîsu dikole bua batuabanye bilondeshile ngenyi eyi.