Mushindu wa kufila bibejibeji

(Nuangata bia Mfualansa bikala bia Tshiluba kabiyiku)

Tshibumba tshia Nsentedi 15 Tshisua.

“Mu matuku a njikijilu wa tshidimu aa, bantu ba bungi badi bakula bua Yezu Kristo, nansha buobu bamuitabuja anyi kabayi bamuitabuja. Bamue badi mene bamba ne: Yezu kavua muntu mulelela to. Kadi wewe udi wamba tshinyi? [Padi muntu wandamuna, bala Matayo 16:15, 16.] Ndi mujadike se: dibala dia tshiena-bualu etshi tshidi tshiakula bua ‘Yezu mulelela’ nedikusankishe bua umone mushindu udiye ne mushinga wa bungi mu nsombelu webe lelu’eu ne kabidi mu matuku ebe atshilualua.”

Réveillez-vous! 22 déc.

“Kuenaku mumone ne: bua tuetu kutungunuka ne kuikala ne muoyo, tudi dijinga ne biakudia bilenga bidi bidisha mubidi anyi? [Lekela muntu andamune.] Teleja tshivua Nzambi mulaye bantu bende kale. [Bala Lewitiki 26:4, 5.] Réveillez-vous! eu udi wakula bua didilakana didi bantu badilakana lelu’eu bua biakudia. Udi kabidi umanyisha tshikondo tshiakuba Nzambi bantu pa buloba bujima.”

Tshibumba tshia Nsentedi 1 Tshio.

“Utuku udikonka bua kumanya bua tshinyi bamue bantu badi bamueneka bikale ne nsombelu mulenga padi eku bakuabu baluangana bua kupetaku ka kudiambuluisha naku nansha kakese anyi? Bible udi ne tshidiye wamba bua muanda eu. [Bala Yobo 34:19.] Tshibejibeji etshi tshidi tshiumvuija muavuija Nzambi nsombelu yonso ya kansungansunga malu a kale.”

Réveillez-vous! 8 janv.

“Bikumina bidi bishipa bantu bapite bungi ne binyanga bintu pa buloba bujima. Badi bapandukaku batu bashala misangu mivule kabayi ne muaba wa kulala to. Réveillez-vous! udi uleja mudi bantu ba bungi bafike ku dimanya tshia kuenza padibu bapeta ntatu itu imueneka panyima pa dienzeka dia tshikumina. Udi kabidi umvuija mudi bikumina bikale mu malu a mu milayi ya mu Bible ya mushinga mukole.”