Mandamuna ku nkonko yenu

▪ Ndîba kayi didibi biakanyine bua kuenza kasumbu ka muakulu mukuabu?

Padi mu teritware wa tshisumbu kampanda muikale bantu ba bungi badi bakula muakulu muenyi, bakulu badi ne bua kuenza tshidibu mua kukokesha bua kulongolola mudimu wa buambi mu muakulu au. (km 7/02 dib. 1; km 3/98 dib. 3-4) Bidi mua kuenzeka ne: bantu badi bakula muakulu muenyi au mbatangalakangane mu teritware ya bisumbu bibidi anyi bivule bidi bidiangane mutumba. Padibi nanku, mutangidi wa tshijengu nealombole malu mudibi bikengedibua, wambuluisha bisumbu biena teritware ayi bua kukuatshishangana mu mudimu wa buambi. Ku tshikondo ku tshikondo, badi mua kulongolola muyuki wa patoke ta Dilonga dia Tshibumba tshia Nsentedi bua kujadika bungi bua bantu badi babuela mu bisangilu bia muakulu muenyi au.

Badi mua kuenza kasumbu ka muakulu muenyi padi malu adi alonda aa wowu makumbane: (1) Kudi bamanyishi ta bantu badi banyisha bulelela badi bumvua bimpe lumu luimpe mu muakulu muenyi au. (2) Kudi mukulu anyi musadidi wa mudimu mukumbane udi mua kuambula bujitu ebu ne kulombola nansha tshisangilu tshimuepele patupu ku lumingu. (3) Kudi kasumbu ka bakulu kadi kadiakaje bua kuambuluisha kasumbu aka. Padi malu aa akumbana bakulu nebamanyishe ku biro bia filiale bua kumanyabi kasumbu aku ne kumona mua kufila mibelu mikuabu ya kulonda.

Tusumbu tua bungi tutu tubanga ne Dilonga dia Mukanda dia Tshisumbu dia ku lumingu ku lumingu. Kunyima kua matuku, bakulu badi mua kuanyisha bua kusakidila bisangilu bikuabu, bu mudi Muyuki wa Patoke ne Dilonga dia Tshibumba tshia Nsentedi. Mu Kalasa ka Mudimu wa Teokrasi, Midimu eyi: No. 2, 3 ne 4 idi mua kuenzeka mu kalasa kakuabu pa bule bikalaku mukulu mukumbane ta musadidi wa mudimu mukumbane udi mumanye kuakula muakulu eu udibu mua kuteka bu mufidi wa mibelu. Bua muyuki wa ndongeshilu, malu manene a mu dibala dia Bible ne Tshisangilu tshia Mudimu, kasumbu aka nekikale kabilonda pamue ne tshisumbu tshijima. Badi mua kulongolola kabidi pa bule bisangilu bia mudimu wa buambi bua kasumbu aka.

Bena mu kasumbu aka bonso badi benza mudimu pamue ku bulombodi bua kasumbu ka bakulu. Bakulu nebafile mibelu miakanyine ne kutabalela ne muoyo mujima majinga a kasumbu aku. Padi mutangidi wa tshijengu ukumbula tshisumbu tshidi tshilele kasumbu aku, nealongolole kabidi bua kuenza mudimu wa buambi ne bena mu kasumbu aku bua kubakolesha mu nyuma. Ne dibenesha dia Yehowa, kasumbu ka muakulu muenyi aka kadi mua kulua tshisumbu mu matuku adi kumpala.