Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Kash.

“Udi wela meji ne: muntu wetu wa mashi ne mâyi eu udi mua kudia bulunda ne Nzambi wa Bukole Buonso anyi? [Lekela muntu andamune. Pashishe bala Bienzedi 17:27.] Tshiena-bualu etshi tshidi tshileja bualu budi butujadikila ne: Nzambi mmusue bua tulue balunda bende.” Leja muntu tshiena-bualu tshidi mu dibeji dia 10.

Réveillez-vous! Kash.

“Manaya a bungi adiku lelu, adi aleja mudi bantu badifile bikole ku manga ne majimbu. Udi wela meji ne: dipakisha dia manga ndimpe anyi? [Lekela muntu andamune. Pashishe bala Dutelonome 18:10-12.] Tshiena-bualu etshi tshidi tshileja tshidi Bible wamba bua njiwu ya manga ne majimbu.” Leja tshiena-bualu tshidi mu dibeji dia 10.

Tshibumba tshia Nsentedi 1 Tshim.

“Mashintuluka a dikema adi enzeka mu kapepa ne pa buloba mmafikishe bantu ba bungi ku dinyingalala bua tshikala buloba mu matuku adi kumpala eku. Udi pebe wela meji kayi bua bualu ebu? [Lekela muntu andamune. Pashishe bala Musambu 37:11.] Tshibejibeji etshi tshidi tshileja imue mvese idi ituleja ne: buloba kabuakubutuka to.”

Réveillez-vous! Tshim.

“Bantu ba bungi mbajadike ne: luya lukadi mpindieu njiwu bua bantu ne bintu bionso bidi ne muoyo pa buloba. Udi wela meji ne: lutatu elu nelujike mushindu kayi? [Lekela muntu andamune. Pashishe bala Yeshaya 11:9.] Tshibejibeji etshi tshidi tshileja bua buloba ne: nebushale anu tshisombelu tshia bantu.”