Ukadi mudilongolole bua kuimbila Yehowa misambu mu bisangilu anyi?
1 Kulongolola bisangilu kudi kabidi kulomba kudilongolola bua kuimba misambu. Londa mibelu eyi.
2 Manya tshidi misambu yamba: Mvese udi ku mutu ne eyi idi kuinshi idi ileja muaba udi mêyi a musambu mangatshila.
3 Ikalayi nuambulula misambu: Ikalayi nuangata dîba mu Ntendelelu wenu wa mu Dîku bua kulonga misambu mipiamipia. Ikalayi nuambulula kumbelu misambu ya bisangilu bionso pamue ne mizike idibu bakuate ku piano. Nudi kabidi mua kulonga ngimbilu ne mêyi a misambu nuenu nuteleja ditadi dia Tuimbilayi Yehowa misambu—Mêyi makuata, Ditadi 1.
4 Newimbe misambu mu mukanda wa Tuimbilayi Yehowa misambu anyi? Anu wewe ubala mêyi a misambu ne mvese idibu bafile, uyilonga ne uyambulula.