Diabanya dia mabeji a Tshivulukilu nedituadije mu dituku 2 dia ngondo 4
1. Netubange kuabanya mabeji a kubikila nawu bantu mu Tshivulukilu dituku kayi? Mmushinga kayi udi nawu diabanya dia mabeji aa?
1 Kutuadijila ku dituku 2 dia ngondo 4, netuabanye mabeji a kubikila nawu bantu mu Tshivulukilu tshia lufu lua Kristo, ntshisangilu tshidi ne mushinga mupite wa bikuabu bionso. Bidimu bishale, bantu ba bungi bavua bitabe bua kubuela mu Tshivulukilu. Tshilejilu, dituku dia Tshivulukilu, munga mamu wakabikila Biro wamba ne: “Ndi mufike ku nzubu anu mpindieu. Ndi musangane dibeji dienu dinudi numbikila nadi muinshi mua tshiibi. Ndi musue kuya, kadi tshiena mumanye dîba to.” Bana betu bakamuambila muaba uvuabu bafunde dîba pa dibeji adi. Mamu au wakabambila ne: “Ndi nyamu dilolo edi.”
2. Tudi mua kuamba tshinyi patudi tufila dibeji edi?
2 Mushindu wa kuabanya mabeji aa: Bu mutudi ne dîba anu dikese dia kujikija teritware, mbimpe tuakule mêyi makese. Tudi mua kuamba ne: “Muoyo webe au! Tuvua basue kushila dîku dienu dibeji edi bua kunubikila mu tshibilu tshituenza pa buloba bujima mu Dia lumingu dia matuku 17 a ngondo muinayi eu. [Pesha muntu dibeji.] Dituku edi ndituku dia mufikilu wa lufu lua Yezu. Nebenze muyuki bua kumvuija mushindu udi lufu lua Yezu lutupetesha masanka; kabakufutshisha makuta to. Dibeji edi didi dileja muaba ne dîba dienzekela tshisangilu etshi.”
3. Leja tshitudi mua kuenza bua kubikila bantu ba bungi.
3 Tshisumbu tshienu tshiotshi ne teritware munene, bakulu badi mua kunuambila bua kushila badi kabayi ku nzubu yabu mabeji aa anu muaba udi bantu bakuabu kabayi mua kuamona to. Kupu muoyo bua kubikila bantu bawapinganyina, balela bebe, balongi benu, bena mudimu nebe ne bakuabu bamanyangana nabu. Mu matuku a Disambombo, nudi mua kufila bibejibeji padibi biakanyine. Kuenaku mua kulua mpanda-njila muambuluishi mu ngondo 4 bua wewe kuenza mudimu mulenga wa diabanya mabeji aa bikole anyi?
4. Bua tshinyi tudi basue ne: bantu badi bajinga kumanya Nzambi balue kubuela mu Tshivulukilu?
4 Bantu bitaba mua kulua nebamanye malu mimpe be! Nebumvue mudi Yehowa mutunange bikole padiye mufile mulambu bua kutupikula nawu. (Yone 3:16) Nebamanye malu malenga ikala Bukalenge bua Nzambi mua kuenzela bantu. (Yesh. 65:21-23) Nebabalombe kabidi bua kuyikila ne bana betu badi bakidilangana bua kulomba dilonga dia Bible. Tudi tusambila bua bantu badi basue kumanya Yehowa bitabe ba bungi bua kulua mu Tshivulukilu.