Lama
Utuku uyisha ne broshire eyi anyi?
La Bible—Quel est son message?
Mmuenzela bantu batu kabayi bamanye Bible bimpe, nangananga aba badi mu bitendelelu bidi kabiyi bilongesha malu a Yezu
Mua kumufila: “Tudi basue kumanya tshiudi pebe wamba bua bualu budibu baleje mu Mifundu (anyi mu mukanda wa tshijila eu). [Bala Musambu wa 37:11, udi mu tshitupa tshia 11.] Udi wela meji kayi, buloba nebuikale mushindu kayi pakumbana bualu ebu? [Lekela muntu andamune.] Etshi ke tshimue tshia ku bilejilu bidi mu Bible bia malu adi akankamija ne akolesha bantu ba bisamba bionso ne bitendelelu bionso ku muoyo.” Bala tshikoso tshidi ku mutu mu dibeji 3, pashishe umupeshe broshire.
Tshiudi mua kuenza: Wewe ulonga mukanda wa Bible ulongesha ne muntu udi mu tshitendelelu tshidi katshiyi tshitaba malu a Yezu, ikala wangata minite mikese kumpala kua kulonga anyi panudi nujikija bua kulonga tshitupa tshimue tshia mu broshire eu.
Cinq questions à se poser sur l’origine de la vie
Mmuenzela bansonga bena Kristo batubu balongesha mu tulasa ne: bintu bitu bidienze nkayabi. Udi kabidi utuambuluisha bua kuelangana meji ne bantu batu bitaba dilongesha adi ne batu bamba ne: Nzambi katuku to, nansha batu badiebeja ni Nzambi utuku anyi katuku. (Ki ngua kufila ku nzubu ne ku nzubu to.)
Mua kumupesha muntu udi wamba ne: bintu bitu bidienze anyi udi wamba ne: Nzambi katuku to: “Mikanda ya sianse pa kuamba yonso idi ilongesha ne: bintu bitu bidienze nkayabi. Buebe wewe, dilongesha edi ndilelela anyi ki ndilelela? [Lekela muntu andamune.] Bua kuandamuna bimpe, bidi bikengela kuanji kulonga bikole bua kumanya ni mbidifuke anyi batu babifuke, ki mmuomu anyi? Broshire eu udi uleja amue malu atu masake bamue bantu bua kuitaba ne: batu bafuke muoyo.”
Tshiudi mua kuenza: Paudi mu kalasa, ikala uteka broshire eu pa tshibasa tshienu, mpindieu utangila balongi badiye ukoka ntema.
Udi mua kulua mulunda wa Nzambi
Mmuenzela bantu badi balonge kalasa kakese anyi badi kabayi bamanye kubala bimpe
Mua kumufila: “Buebe wewe, kudiku mushindu wa tuetu kulua balunda ba Nzambi anyi? [Lekela muntu andamune. Bala Yakobo 2:23.] Mukanda eu udi utuambuluisha bua kulua petu balunda ba Nzambi anu bu Abalahama.”
Tshiudi mua kuenza: Nulonge Dilongesha dia 1 dionso anyi tshitupa tshiadi anu musangu wa kumpala au anyi mu dikumbula dipiadipia bua kumuleja mututu tulonga Bible.