Mua kubanga muyuki

(Nuangate bia Mfualansa pikala bia Tshiluba kabiyiku)

Mua kutuadija kulonga Bible ne bantu: Disambombo dia kumpala dia ngondo 4

“Kutambula mbualu budi bena Kristo ba bungi benza. Buebe wewe, batismo udi ne mushinga anyi? [Lekela muntu andamune.] Tshiena-bualu etshi tshidi tshileja amue malu a mushinga mukole.” Pashishe umupeshe Tshibumba tshia Nsentedi tshia dia 1/4/2012, nubale nende malu adi mu ka mutu ka bualu ka kumpala kadi mu dibeji dia 16 ne mvese nansha umue. Umupeshe bibejibeji, numvuangane bua kulua kukonkonona lukonko ludi lulonda.

Tshibumba tshia Nsentedi 1/4

“Kudi malu a bungi atu bantu bamba bua Yezu. Bamue badi bamba ne: yeye ke Masiya uvuabu balaye. Bakuabu ne: uvua muntu muimpe tshianana. Bakuabu batshidi bamba ne: kavuaku to. Kadi wewe udi wela meji kayi? [Lekela muntu andamune.] Bilondeshile Bible, mbimpe tumanye bulelela bua bidi bimutangila. [Bala Yone 17:3.] Mukanda eu udi ufila mandamuna a nkonko idi bantu badiela bua Yezu.”

Réveillez-vous! Ngondo 4

“Tudi tuenda tukebaku bua kuambuluisha bantu badi mu mêku. Udiku witaba pebe ne: kudi ntatu ya bungi mu mêku lelu anyi? [Lekela muntu andamune.] Tangila mubelu uvua muambuluishe mêku a bungi. [Bala Musambu wa 119:105.] Mukanda eu udi uleja mushindu uvua mêku adi ne bana bafumine ku dibaka dikuabu mapite bimpe ne ntatu pavuabu batumikile mibelu ya mu Bible.”