Bantemu ba Yehowa—Ditabuja mu tshienzedi, tshitupa 2: Butoke bukenkeshe
Pakapatuka muanetu Rutherford ne bena diende mu buloko mu 1919, kuvua mudimu wa bungi uvua muindile Balongi ba Bible. Anu mudibi bileja mu filme wa Les Témoins de Jéhovah—la foi en action, 2e partie: que brille la lumière ! (Bantemu ba Yehowa—Ditabuja mu tshienzedi, tshitupa 2: Butoke bukenkeshe), Balongi ba Bible bavua mua kupeta baluishi ba bungi, ngumvuilu wabu wa malu a mu Bible uvua ne bua kutungunuka ne kuvula ne ditabuja diabu divua ne bua kukola. (Nsu. 4:18; Mal. 3:1-3; Yone 15:20) Paudi ujikija kumona filme eu, tetabi mua kuandamuna nkonko eyi:
1) Mmishindu kayi ivua Balongi ba Bible benza nayi mudimu bua kumuangalaja lumu luimpe? 2) Mu mpungilu munene wa mu 1931 ne wa mu 1935, bavua bamanyishe malu kayi? 3) Mbualu kayi bunene buvuabu baleje mu Tshibumba tshia Nsentedi tshia mu dia 1/11/1939? 4) Pavua muanetu Rutherford muenze muyuki wende uvua ne tshiena-bualu ne: “Mbulamatadi ne ditalala” mu Madison Square Garden, tshivua tshienzeke ntshinyi? 5) Mbualu kayi bua mushinga buvua muanetu Knorr muambe mu muyuki wende uvua ne tshiena-bualu ne: “Ditalala nedinenge anyi?” 6) Mu 1942, Bantemu ba Yehowa bavua balongolole bua kualabaja mudimu wabu wa buambi. Bavua balongolole malu kayi? 7) Leja bimue bilumbu bituvua bapete ku tubadi tua mu États-Unis, mu Canada ne mu Grèce. 8) Leja muvua Kalasa ka Gilada kambuluishe bua kuvudija mudimu wa buambi. 9) Mmudimu kayi munene uvua mutuadije mu 1946? Bua tshinyi? 10) Mmalu kayi avua Bantemu ba Yehowa benze bua kujadika ne: bienzedi biabu bivua mu diumvuangana ne mikenji ya mu Bible? 11) Leja amue malu avuabu bashintulule mu bidimu bia 1970 bua bulongolodi kulondabu anu malu adi maleja mu Bible. 12) Filme eu mmukuambuluishe mushindu kayi bua kumvua bimpe ne: bulongolodi ebu mbua Yehowa, ne yeye ke udi ubulombola? 13) Filme eu mmukoleshe dipangadika diebe dia kutungunuka ne kuyisha nansha mu ntatu mushindu kayi? 14) Leja mutudi mua kuambuluisha balela betu, balongi betu ba Bible ne bantu bakuabu ne filme eu.
Dituku dionso didi dipita edi didi ne malu mapiamapia adi Bantemu ba Yehowa benza. Nebambaku tshinyi bua mutudi tudienzeja bua kukumbaja mudimu wetu wa kuyisha? Anu bu muvua bana betu benze kale, tutungunukayi ne kuenza bua ‘butoke bukenkeshe,’ tuenze nenku ne tshisumi.—2 Kol. 4:6, NW.