Filme wa Les jeunes s’interrogent... Que vais-je faire de ma vie? (Tshitupa tshia 1)
Bu mudi bansonga benda bakola, badi ne bua kuangata mapangadika mimpe. Mbalongolole filme wa Les jeunes s’interrogent... Que vais-je faire de ma vie? bua kubambuluisha. Wewe mumane kuela ditadi edi, tuaku pa Drame, bua kuandamuna nkonko idi mu tshikoso 2. Upingane ku ntuadijilu, utue pa interviews; pashishe utue pa Souvenirs bua kuandamuna nkonko idi mu tshikoso 3.
Drame: 1) Nsombelu wa Timote udi ufuanangana ne wa bansonga bena Kristo lelu mushindu kayi? 2) Umvuija muvuabu basake André bua kudifila bikole mu manaya. 3) Muanetu Fleissig uvua muambile André tshinyi bua: a) kudifila kudi Yehowa bua kumuenzela mudimu ne kudifila mu manaya? (Mat. 6:24) b) tshidi tshifila disanka dilelela? c) tshivua dilongo divuaye nadi mu buloko dimuvuluija? d) bantu bavua nende mu foto ne mukajende? e) muvuaye kayi munyingalale bua dishintulula dia bipatshila biende? (Filip. 3:8) 4) Mmunyi muvua kakuende wa André muandamune lukonko luende lua ne: ‘Mbibi bua meme kulua muntu muende lumu mu malu a manaya anyi?’ (Luka 4:5-7) 5) Dipatuka bakumpala dia ba André divuaku dipeteshe André disanka dilelela anyi? 6) Tshivua tshikusankishe mu mukanda uvua muanetu Fleissig mufundile André kumpala kua kufuaye ntshinyi? (Nsu. 10:22) 7) Muanetu Fleissig uvua muambuluishe André bua kujingulula tshinyi?
Souvenirs: 8) Mmalu kayi avua muanetu wa balume ne wa bakaji bipatshila bua kuenza? Bua tshinyi? 9) Bakapeta disanka dia mushindu kayi? 10) Tshivua tshisake yonso wa kudibu bua kushintulula malu avuaye wenza ntshinyi? (2 Kol. 5:15) 11) Tela midimu ya mu bulongolodi bua Nzambi yakatuadijabu kuenza. Bakamona ne: kabavua mua kuenza midimu ibidi musangu umue bua tshinyi? 12) Bavuaku banyingalale bua muvuabu bashintulule malu avuabu bipatshila bikole anyi? 13) Bavua bambe tshinyi tshidi tshitamba kukueleshisha wewe meji bua tshiudi pebe ne bua kuenza?
Bu wewe mua kusua, umone tshitupa tshikuabu tshia diela bantu nkonko (interviews) ne tshisakidila (Suppléments) bidi mu filme eu, bua kuandamuna mu Tshisangilu tshia Mudimu tshia lumingu ludi lulonda.