Mua kubanga muyuki
(Nuangate bia Mfualansa pikala bia Tshiluba kabiyiku)
Mua kutuadija kulonga ne bantu mu Disambombo dia kumpala dia ngondo wa 7
“Pa kuamba muntu yonso utu musue kulala bidimu bia bungi ne kuikala ne disanka. Buebe wewe, udi umonaku ne: malu a sianse ne a baminganga neatuambuluishe bua kushala ne muoyo kashidi dimue dituku anyi? [Lekela muntu andamune.] Tangila tshidibu bamba muaba eu.” Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/7. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.
Dimanyisha: Nuenze dinaya dia mua kubanga muyuki edi mu tshisangilu tshia mudimu wa buambi tshinuenza mu dia 6 ngondo wa 7.
Tshibumba tshia Nsentedi 1/7
“Bantu ba bungi batudi tuyukila nabu batu ne tshiabu tshitendelelu. Kadi bakuabu badi bamba ne: kabatu beyemena kabidi bitendelelu to. Wewe udi wela meji kayi? [Lekela muntu andamune.] Yezu wakaleja bualu budi mua kutuambuluisha patudi basue kumanya tshitendelelu tshimpe. [Bala Luka 6:44a.] Mukanda eu udi wakula bua amue malu mabi adi bitendelelu bienze. Udi kabidi wandamuna lukonko elu: Kakuena tshitendelelu nansha tshimue tshitudi mua kueyemena anyi?”
Réveillez-vous! Ngondo wa 7
“Tudi tuenda tutangila bantu netu bua kuyukila nabu bua malu adi atondangana, bu mudi kansungasunga. Bamue bantu badi babenga kansungasunga, ke bualu kayi badi bakaluisha. Buebe wewe, bantu badi babenga kansungasunga aba mbashintululaku malu anyi? [Lekela muntu andamune.] Tangila tshidi Bible wamba bua tshikala mua kushintulula malu menemene pa buloba. [Bala Matayi 6:9, 10.] Mukanda eu udi wandamuna lukonko elu: Kubenga patupu ke kujikija bualu anyi?”
Lumu luimpe lua kudi Nzambi
“Tudi tuenda tutangila bena mu mêku bua kubakankamija ne mubelu muimpe wa mu Bible. Bantu ba bungi batudi tuyukila nabu badi badiebeja bua kumanya bua tshinyi Nzambi wa dinanga mmulekele makenga bungi nunku. Buebe wewe, Nzambi uvua mulongolole bua ntatu ikale pa buloba anyi?” Lekela muntu andamune. Pashishe nuye nende mu Dilongesha 5, nubale ne nukonkonone nende bikoso bibidi bia ntuadijilu ne mvese idi mifunda mu maleta maladika. Umupeshe broshire, ne numvuangane bua kulua kukonkonona lukonko ludi lulonda ludi lufunda mu maleta mafikisha.