Mua kubanga muyuki

(Nuangate bia Mfualansa pikala bia Tshiluba kabiyiku)

Mua kutuadija kulonga ne bantu mu Disambombo dia kumpala dia ngondo wa 10

“Tudi tuenda tutangila bena mutumba betu bua minite mikese lelu. Bantu ba bungi batudi bayukile nabu badi bamba ne: lumue lua ku ntatu mikole idibu bapeta nkufuisha mulela anyi mulunda wabu. Ke muutu pebe umona anyi? [Lekela muntu andamune.] Mvua mumone ne: bualu ebu budi bukankamija bantu.” Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/10. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Tshibumba tshia Nsentedi 1/10

“Tudi tuenda tutangila bantu mu minite mikese bua kubakankamija bua bikale babala Bible. Tudi bamanye ne: bamue batu basue kumubala, kadi bakuabu kabatu basue kumubala to. Kadi wewe? [Lekela muntu andamune.] Bible udi ushindika bualu ebu. [Bala 1 Tesalonike 2:13.] Ndi mutuishibue ne: wewe muitabe ne: Bible mmukanda wa kudi Nzambi bulelela, neukebe bua kubala Bible bikole. Mukanda eu udi uleja mu tshikoso tshidi Bible mu kabujima kende, ne bua tshinyi tudi ne bua kumubala.”

Réveillez-vous! Ngondo wa 10

“Buebe wewe, tudiku mua kuikala ne disanka tuetu katuyi ne bintu bia bungi bia ku mubidi anyi? [Lekela muntu andamune.] Tangila tshidi Bible wamba. [Bala 1 Timote 6:8.] Mukanda eu udi uleja mutudi mua kuikala ne nkatshinkatshi bua bintu bia ku mubidi ne umvuija bintu bia mushinga bisatu bidi makuta kaayi mua kusumba.”