Bikila muntu yonso wa mu teritware webe mu Tshivulukilu!

Mu kampanye kadi katuadija mu dia 27/2 emu, netubikile bantu ba bungi ba muaba utudi basombele bua babuele netu mu Tshivulukilu tshia lufu lua Kristo. Netutabalele kabidi bikole bantu badi baleja dijinga dia kuteleja bua tudikoleshe.

MALU A KUENZA

TSHIUDI MUA KUAMBA

“Tudi tuenda tufila dibeji dia dibikila edi bua bualu bua mushinga mukole buenzeka. Mu dia 23 ngondo muisatu, bantu miliyo ya bungi pa buloba bujima nebadisangishe bua kuvuluka lufu lua Yezu Kristo ne kuteleja muyuki wa malu a mu Bible udi uleja mudi lufu luende lutuambuluisha. Kabakufutshisha makuta to. Dibeji dia dibikila edi didi dileja dîba ne muaba wikala tshibilu etshi mua kuenzeka mu kartshie ketu emu. Tudi tukulomba bua ulue wewe ne mushindu.”

Muntu yeye muleje dijinga dia kukuteleja . . .

• UMUPESHE TSHIBUMBA TSHIA NSENTEDI

  Wase tshishimikidi bua kumupinganyina.

• UMULEJE VIDEO WA TSHIVULUKILU

  Wase tshishimikidi bua kumupinganyina.

Paudi umupinganyina udi mua . . .

• KUMULEJA VIDEO WA BUA TSHINYI KULONGA BIBLE?

  Pashishe umupeshe mukanda wa kulonga nawu Bible.

• KUMUPESHA MUKANDA WA BIBLE UTU ULONGESHA TSHINYI MENEMENE?

  Bala nende malu makuabu adi atangila Tshivulukilu adi mu dibeji dia 206-208. Pashishe umupeshe mukanda.

• KUMUPESHA BROSHIRE WA TELEJA NZAMBI

  Ku diambuluisha dia malu adi mu dibeji dia 18-19, nuyukile nende bua mushinga udi nawu lufu lua Kristo. Pashishe umupeshe broshire.