Baledi wetu, ambuluishayi bana benu bua baye kumpala

Baledi badi batshina Nzambi batu basue kumona bana babu balua batendeledi ba Yehowa ba lulamatu. Baledi badi mua kubambuluisha pa kubueja malongesha a mu Bible mu mioyo yabu anu ku buana buabu. (Dut 6:7; Nsu 22:6) Bualu ebu budi bubalomba bua badipangishe amue malu. Kadi kuenza nanku kudi mua kubapetesha masanka a bungi.—3Yn 4.

Tshilejilu tshia Jozefe ne Mariya tshidi mua kulongesha baledi malu a bungi. Bavua ne “tshibidilu tshia kuya tshidimu tshionso ku Yelushalema bua tshibilu tshia Pasaka,” nansha muvuabi bibalomba bua kudienzeja bikole ne kutula makuta. (Luk 2:41) Bidi bimueneka ne: bavua bateka malu a mu nyuma pa muaba wa kumpala mu dîku diabu. Bia muomumue, lelu baledi badi mua kupesha bana babu buludiki buimpe pa kubabidila mpunga yonso udibu bapeta bua kubalongesha mu mêyi ne mu bienzedi.—Mis 127:3-5.

NUTANGILE FILME WA NE: BAKABABIDILA MPUNGA YONSO UVUABU NENDE, PASHISHE NUANDAMUNE NKONKO EYI:

• Mmunyi muvua Jon Schiller ne Sharon batungunuke ne kuenzela Yehowa mudimu eku bakolesha bana babu?

• Bua tshinyi baledi badi ne bua kulongesha bana babu, kubaludika ne kubanyoka, muana yonso mu wende mushindu?

• Mmunyi mudi baledi mua kuambuluisha bana babu bua kutantamena mateta a ditabuja diabu?

• Mbintu kayi bidi bulongolodi bua Yehowa bupatule biudi muenze nabi mudimu bua kuambuluisha bana bebe bua kuluabu balunda ba Yehowa?