TUIKALAYI NE NSOMBELU WA BUENA KRISTO

Mudi yonso wa kutudi mua kulama miaba yetu ya ntendelelu bimpe

Nzubu yetu ya Bukalenge kayena anu nzubu tshianana to; mmiaba mijidila bua kutendelela Yehowa. Ntshinyi tshidi yonso wa kutudi mua kuenza bua kulama Nzubu wa Bukalenge bimpe?

Bana betu balongolola Nzubu wa Bukalenge, basukula biowedi ne nkumba, ne bela mapa mu kashete

NUMONE FILME WA TULAME MIABA YETU YA NTENDELELU BIMPE, PASHISHE NUANDAMUNE NKONKO EYI:

Nzubu ya Bukalenge mmibakila tshinyi?
Bua tshinyi tudi ne bua kusukula Nzubu wa Bukalenge misangu yonso ne kumulama bimpe?
Mmunyi mudi kuenza mudimu wa dilama Nzubu wa Bukalenge kukuambuluishe?
Bua tshinyi kubabidila njiwu kudi ne mushinga? Mbilejilu kayi bia dibabidila njiwu biudi mumone mu filme eu?
Mmunyi mutudi mua kutumbisha Yehowa ne mapa etu?

MUNDI PANYI MULONGOLOLE BUA KUAMBULUISHA: