Mua kutuadija kuyikila ne bantu ne trakte

Katshia ku ngondo wa 1 wa 2018, mbaleje ngenyi ya mua kuyukila ne bantu pa Mabeji a tshisangilu tshia Nsombelu ne mudimu wetu. Badi batukankamija bua kutamba kuyikila ne bantu pamutu pa kubashila anu mikanda yetu. Bua kuambuluisha bamanyishi bua bakaje mushindu wabu wa kuyikila ne bantu, batu bela filme idi ileja mua kutuadija diyukila ne bantu ne Bible nkayende. Mbuena kuamba ne: katuena kabidi mua kupesha muntu mikanda yetu patudi tuyisha ku nzubu ne ku nzubu anyi? Tòo! Tshilejilu, trakte idi mua kuambuluisha bua kutuadija kuyukila bimpe ne muntu. Wewe musue kuyisha ne trakte kayi yonso, mona tshia kuenza:

1. Ela lukonko lua mandamuna asatu ludi pa mutu.

2. Leja muntu diandamuna dia mu Bible didi mu mvese udi kuulu kua dibeji dibidi. Pikalaku dîba, bala malu makuabu adi mu trakte amu, ne nuakuile.

3. Pesha muntu trakte au, umukankamije bua kumubala yonso padiye upeta dîba.

4. Pa kumushiya, umuleje muaba udibu bafunde ne: “Lukonko lukuabu,” ne numvuangane dîba dia kulua kuluandamuna ne Bible.

Paudi umupinganyina, wandamune lukonko luuvua mumushile, pashishe umuele lukuabu lua kuandamuna musangu udi ulonda. Udi mua kuluangatshila mu site wetu anyi mu mukanda udibu baleje panyima pa trakte apu. Paudi umona ne: mbikumbane, umuleje broshire wa Lumu luimpe lua kudi Nzambi anyi mukanda mukuabu wa mu Bintu bietu bia kulongesha nabi.