Mmalongesha kayi audi mua kupetela mu misambu yetu ya pa buayi?

Mmisambu kayi ya pa buayi iutu musue bikole? Bua tshinyi udi muyisue? Bindidimbi bia misambu ayi bidi bileja nsombelu udi nende bantu matuku etu aa anyi? Bua bungi bua malu adimu ne mishindu idibu bayimbe, muntu yonso udi anu mua kupeta yende idi imusankisha. Nansha nanku, misambu eyi kayena anu ya kupitshisha nayi kapepe to.

Musambu wa pa buawu wonso udi ne malongesha adi mua kutuambuluisha mu nsombelu ne mudimu wetu wa buena Kristo. Kudi idi yakula bua dipeshangana bintu, bua buobumue, bulunda, dikima, dinanga, nansha ditabuja. Mikuabu idi yakula bua dipingana kudi Yehowa, difuilangana luse, dilama muoyo mutoke, ne divudija mudimu utudi tuenzela Yehowa. Mukuabu muine udi uleja mua kuenza mudimu bimpe ne telefone. Mmalongesha kayi makuabu a mushinga aukadi mupetele mu misambu eyi?

NUTANGILE MUSAMBU WA PA BUAWU WA ANU PABUIPI APA, PASHISHE NUANDAMUNE NKONKO EYI:

• Tatu ne mukejende bakadi bakulakaje abu bavua bela meji a masanka kayi adi mabindile?​—Gen 12:3

• Mmunyi mutudi mua kukolesha ditabuja dia ne: Yehowa neakumbaje bidiye mulaye?

• Mu katupa kakese emu netutuilangane ne banganyi?

• Ditekemena Bukalenge didi dituambuluisha bua kutantamena ntatu mushindu kayi?​—Lom 8:25