Mudimu wa pa buawu wa dimanyisha Bukalenge bua Nzambi mu ngondo wa 11

Yezu uvua umanyisha bantu “lumu luimpe lua Bukalenge bua Nzambi.” (Luk 4:43) Kulongeshaye kabidi bantu bua basambile bua Bukalenge abu. (Mat 6:9, 10) Mu ngondo wa 11 netuenze mudimu wa pa buawu wa dimanyisha Bukalenge bua Nzambi. (Mat 24:14) Longolola programe webe bua uyishe bikole tshikondo atshi. Bana betu basua kulua bampanda-njila bambuluishi badi mua kusungula bua kuyisha mêba 30 anyi 50.

Enza bua ubadishe bantu ba bungi mvese wa mu Bible udi wakula bua Bukalenge bua Nzambi. Paudi usungula mvese wa kubadila muntu, utabalele tshitendelelu tshiende. Muntu yeye muanyishe bulelela anu paudi umuyisha musangu wa kumpala, umupeshe Tshibumba tshia Nsentedi tshia bantu bonso tshia No. 2 2020. Pashishe, umupinganyine pa lukasa bua kutuadija nende dilonga dia Bible ne mukanda wa mu Bintu bietu bia kulongesha nabi. Nkushale anu matuku mabala ku minu bua Bukalenge bua Nzambi kuzaza mbulamatadi yonso idi ibuluisha. (Dan 2:44; 1Ko 15:24, 25) Ke bualu kayi, tubabidilayiku mpunga munene utudi nende eu wa kuleja mutudi tutua Yehowa ne Bukalenge buende mpanda.