BIUMA BIA MU DÎYI DIA NZAMBI

Yehowa udi ulongolola bantu bende

[Ela filme wa Diumvuija dia mukanda wa Nomba.]

Bena Isalele bakasa bitudilu mu bisumbu bienza ne bisa bisatu bisatu (Nom 1:52, 53; w94 1/12 8 §4)

Tshitudilu tshijima tshia bena Isalele tshivua mua kuikala ne bantu miliyo 3 anyi kupite apu (Nom 2:32, 33; it-1-F 385 §5)

Yehowa mmusue bua bantu bende bamutendelele mu mushindu mulongolola biakane. Ke tshivuaye muenze ne bena Isalele, ne ke tshidiye muenze kabidi netu lelu.—1Ko 14:33, 40.

Baleja mushindu uvuabu balongolole tshitudilu tshia bena Isalele. Ntenta wa tshitendelelu uvua pankatshinkatshi. Pabuipi menemene ne ntenta wa tshitendelelu kudi mêku a tshisa tshia bena Lewi: Alona lua ku est, bena Kohata lua ku sud, bena Gêshona lua ku ouest, ne bena Melali lua ku nord. Bisa 12 bia bena Isalele bidi ntanta menemene. Lua ku est kudi Isakâ, Yuda, ne Zebulona. Lua ku sud kudi Gada, Lubena, ne Simeona. Lua ku ouest kudi Benyamina, Efelayima, ne Manashe. Lua ku nord kudi Nafatale, Dana, ne Ashê.

DIEBEJA NE: ‘Mmunyi mundi mua kuleja ne: ndi ntua bulongolodi bua Yehowa mpanda ne muoyo umue?’