Numone bakaji bakulumpe bu bamamu, bansongakaji bu bana benu ba bakaji

Mifundu minsantu idi itulomba bua tumone bena Kristo netu bakulumpe bu batatu ne bamamu; ne bansonga bu bana betu badibu batulele nabu. (Bala 1 Timote 5:1, 2.) Mbimpe nangananga bana betu ba balume batue bana betu ba bakaji mushinga ne babanemeke.

Ki mbimpe muanetu wa balume anaye ne majinga a muanetu wa bakaji anyi enze bualu budi mua kuenza ne: muanetu wa bakaji au adiumvue bibi padiye muaba udi muanetu au to. (Yob 31:1) Ki mbimpe muanetu wa balume enzele muanetu wa bakaji malu adi amuleja ne: mmusue bua baselangane pabi kayi nansha ne meji au to, bualu aku nkunaya ne majinga ende.

Mbimpe bakulu batabalele bana betu ba bakaji badi babebeja malu kampanda ne kanemu konso anyi mene badi babakuatshila bualu budi mua kulomba ne: bakebe tshia kuenza. Bakulu badi batabalela nangananga aba badi kabayi ne mulume wa kubakuba to.​—Lut 2:8, 9.

NUTANGILE FILME WA TULEJE DINANGA DIDI KADIYI DISHIKILA MU TSHISUMBU​—KUDI BAKAJI BAKAMBA NE BANA BA NSHIYE, PASHISHE NUANDAMUNE NKONKO EYI:

• 

  Mmunyi muvua bena mu tshisumbu baleje ne: bavua banange muanetu Myint bikole menemene?

• 

  Mmushindu kayi uvua dinanga divuabu baleje adi difile bumanyishi buimpe kudi bena mu musoko?

• 

  Ntshinyi tshivua dinanga adi dienzele bana ba bakaji ba Myint?

Telaku mishindu mimpe iudi mua kuleja ne: udi uditatshisha bua bana betu ba bakaji ba mu tshisumbu tshienu ne dinanga dionso