DIFILA KU MUDIMU WA BUAMBI | VUDIJA DISANKA DIEBE DIA KUYISHA
Enza mudimu ne bintu bietu bia kukebulula nabi malu
Yehowa mmutupeshe bintu bidi bituambuluisha bua kulongesha bantu bimpe menemene. Tudi ne filme, trakte, bibejibeji, broshire, mikanda, ne Bible mukanda wetu munene. (2Tm 3:16) Mmutupeshe kabidi bintu bia kukebulula nabi malu bidi bituambuluisha bua kumvuija mvese. Mu bintu ebi mudi Watchtower Library, JW Library®, TSHITEKELU TSHIA MIKANDA TSHIA KU ENTERNETE™, ne Mukanda wa makebulula wa Bantemu ba Yehowa.
Neupete disanka wewe ukebulula malu mu Bible bikole ku diambuluisha dia bintu bionso ebi. Enza bua ulongeshe balongi bebe ba Bible mua kukebulula malu ne bintu ebi. Dîba adi bobu pabu nebapete disanka papetabu mandamuna a nkonko yabu ya malu a mu Bible.
NUTANGILE FILME WA ITABA DIAMBULUISHA DIA KUDI YEHOWA, UPETE DISANKA DIA KUVUIJA BANTU BAYIDI: ENZA MUDIMU NE BINTU BIETU BIA KUKEBULULA NABI MALU, PASHISHE NUANDAMUNE NKONKO EYI:
Mbualu kayi buvua butangila bufuki buvua Jade mujule bua kabamuyishi?
Mmuaba kayi uvua Neeta mupetele malu avua akula bua bualu abu?
Kuambila bantu malu atudi tupeta mu Bible kudi kutupetesha disanka
Mmunyi muvuaye musungule malu avua akumbanyina Jade menemene?
Mmunyi muvua kuenza mudimu ne bintu bietu bia kukebulula nabi malu kuambuluishe Neeta?