Ambuluisha balongi bebe ba Bible bua bikale bepuka balunda babi

Bua balongi ba Bible kuluabu balunda ba Yehowa, badi ne bua kusungula balunda bimpe. (Mis 15:1, 4) Balunda bimpe nebabasake bua kuenza malu makane.​—Nsu 13:20; lff dilongesha dia 48.

Paudi wambuluisha balongi bebe ba Bible bua bikale bepuka balunda babi, diteka pa muaba wabu. Bualu badi mua kuikala benda baluangana bua kulekela balunda ba mu buloba ebu. Nunku, leja kabidi muudi uditatshisha ne muoyo mujima bua bualu buabu matuku anudi kanuyi nulonga to. Tshilejilu, udi mua kubafundila mesaje, kubabikila ku telefone, anyi kuya kubatangila nansha bua minite mikese. Wewe mumone ne: badi baya kumpala, udi mua kubalomba bua bapitshishe dîba pamue ne batendeledi ba Nzambi. Pashishe nebamone bimpe ne: badi benda bapeta balunda bimpe ba bungi kupita badibu benda bajimija. (Mâk 10:29, 30) Padi dîku dia Yehowa dienda didiunda wewe mumone, nebikuenze pebe disanka.

NUTANGILE FILME WA AMBULUISHA BALONGI BEBE BA BIBLE BUA BIKALE BEPUKA BALUNDA BABI, PASHISHE NUANDAMUNE NKONKO EYI:

• Balunda babi mbanganyi?​—1Ko 15:33

• Ntshinyi tshivua Jade mudifuanyikijile bua mudi dituilangana dia bena Kristo ne bua kuikala?

• Mmunyi muvua Neeta muambuluishe Jade bua kulekela balunda babi ne kukeba balunda bimpe?