Ntatu yonso idi ne dituku diajikayi

Ntatu idi mua kututekesha mu mikolo bipepele, nangananga padiyi inenga. Davidi uvua mumanye ne: dimutatshisha divua mukalenge Shaula umutatshisha divua ne bua kujika dimue dituku, ne uvua ne bua kulua mukalenge anu mukavua Yehowa mulaye. (1Sm 16:13) Ditabuja dia Davidi diakamuambuluisha bua kuindila Yehowa ne lutulu.

Patudi mu ntatu, budimu buetu, dimanya ditudi nadi, anyi bukole buetu bua kunana lungenyi bidi mua kutuambuluisha bua kushintulula nsombelu wetu au. (1Sm 21:12-14; Nsu 1:4) Kadi imue ntatu idi mua kutungunuka nansha panyima pa bamane kuenza bionso bituvua mua kuenza mu diumvuangana ne mêyi manene a mu Bible. Dîba dia nanku, tudi ne bua kuindila Yehowa ne lutulu. Ukadi pa kujikija makenga etu onso ne “neakupule tshinsonji tshionso” ku mêsu kuetu. (Bua 21:4) Tuetu bapete disulakana bua bualu kampanda budi Yehowa muenze anyi bua malu makuabu, tuikale batuishibue ne: ntatu yonso idi ne dituku diajikayi. Bualu ebu budi mua kutukolesha mu mushindu kampanda.

NUTANGILE FILME WA TSHISAMBA TSHIDI MU BUOBUMUE PA BULOBA BUDI BUKOSOLOKE, PASHISHE NUANDAMUNE NKONKO EYI:

• Nntatu kayi ivua bamue bena Kristo badi ku sud kua États-Unis bapete?

• Mmunyi muvuabu baleje lutulu ne dinanga?

• Mmunyi muvuabu batungunuke ne kuimanyina pa “malu adi ne mushinga wa bungi”?​—Flp 1:10