TUIKALAYI NE NSOMBELU WA BUENA KRISTO
Keba meji a Nzambi
Tutu basue kusankisha Yehowa mu malu onso atudi tuenza. (Nsu 27:11) Bua kuenza nanku, bimpe tuangate mapangadika adi aleja mmuenenu wende nansha padiku kakuyi mukenji musunguluke utudi mua kulonda. Ntshinyi tshidi mua kutuambuluisha bua kuenza nanku?
Ikala ne tshibidilu tshia kudilongela Bible. Dîba dionso ditudi tubala Bible, bitu bienze anu bu ne: tudi basombe ne Yehowa tuyikila. Tudi mua kumanya mutu Yehowa wenza malu patudi tumone muvuaye muenzele bantu bende malu ne tukonkonona bilejilu bia bantu bavua benze malu mimpe ne bavua benze malu mabi ku mêsu kuende. Tuetu basue kuangata dipangadika, nyuma muimpe udi mua kutuvuluija malongesha a mushinga ne mêyi manene atuvua balonge mu Dîyi dia Nzambi.—Yne 14:26.
Enza makebulula. Wewe ne bua kuangata dipangadika, diebeja ne: ‘Mvese kayi anyi bilejilu kayi bia mu Bible bidi mua kungambuluisha bua kumanya mudi Yehowa umvua bua bualu ebu?’ Sambila ulombe Yehowa akuambuluishe, ne ukebulule mu mikanda yetu idiku mu muakulu wenu. Neupetamu mêyi manene a mu Bible audi mua kutumikila mu bualu buudi nabu.—Mis 25:4.
NUTANGILE FILME WA TUDI NE BUA ‘KUNYEMA NE DINANUKILA’: DIAKU BIAKUDIA BIDI BIDISHA MUBIDI, PASHISHE NUANDAMUNE NKONKO IDI ILONDA EYI:
Mmalu kayi avuabu basuya nawu muanetu wa bakaji utudi bamone mu filme?
Mmunyi mudi kukebulula mua kukuambuluisha bua kutantamena malu a muomumue?
Mmushindu kayi udi kukeba dîba dia kukebulula ne dia kuikala kudilongela mua kutuambuluisha bua kuangata mapangadike mimpe?—Eb 5:13, 14