Mona Bible bu lumuenu

Muyidi Yakobo wakafuanyikija Bible ne lumuenu bualu udi utuambuluisha bua kumona tshitudi munda. (Yak. 1:22-25) Mmunyi mutudi mua kumumona bu lumuenu patudi tudilongela?

Mubala bimpe bimpe. Tuetu baditangile mu lumuenu lukasa lukasa, tudi mua kupanga kumona tshia kuakaja. Bua tuetu kumona malu atudi mua kuakaja mu nsombelu wetu mbimpe tuikale tubala Dîyi dia Nzambi bimpe bimpe.

Ditangila wewe pamutu pa kutangila bakuabu. Tuetu bakuate lumuenu bibi, tudi mua kumona bantu bakuabu ne mudi tshimuenekelu tshiabu tshibi. Bia muomumue, patudi tubala Bible tudi bafuane kumona anu bilema bidi bakuabu ne bua kuakaja. Kuenza nanku kakuakutuambuluisha menemene bua kuakaja bietu bilema to.

Ikala ne nkatshinkatshi. Tuetu bashale bimanyine pa tubilema tutudi bamone patudi baditangila mu lumuenu, tudi mua kuteketa mu mikolo. Nunku patudi tubala Dîyi dia Nzambi mbimpe tuikale ne nkatshinkatshi, katuedi meji ne: katuena mua kuenza bilema to, Yehowa mmumanye ne: tudi bapange bupuangane.