Longolola muoyo webe

Patudi tudilongela Bible, dijinga dietu ndia ne: malu a Yehowa abuele mu muoyo wetu. Ezela udi tshilejilu tshimpe kutudi mu bualu ebu bualu uvua “mulongolole muoyo wende bua kukonkonona Mikenji ya Yehowa.” (Eze. 7:10) Mmunyi mutudi mua kumuidikija?

Sambila. Dîba dionso diudi ukeba kudilongela, anji sambila, umulombe bua umvue malu audi ulonga ne uatumikile.​—Mis. 119:18, 34.

Ikala ne didipuekesha. Bantu batu beyemena meji abu ne lutambisha luonso, Nzambi utu ubasokoka bulelela. (Luka 10:21) Kuikadi udilongela ne tshipatshila tshia kuleja bakuabu muudi mumanye bia bungi to. Dipuekesha, ushintulule meji ebe paudi umona ne: kaena apetangana ne a Nzambi.

Ikala uteleja misambu ya Bukalenge. Misambu itu ne bukole bua kulenga muoyo wetu. Nunku kuteleja musambu wa Bukalenge kumpala kua kutuadija kudilongela kudi mua kukuambuluisha bua kutuma meji kudi Yehowa bua malu awalonga alenge muoyo webe.