Pesha bakuabu ‘dipa dia nyuma’ diudi nadi

Tutu tudiumvua bakankamijibue patutu tupitshisha dîba pamue ne bena Kristo netu. Kadi pa kumbusha disomba nabu pamue, kudi bualu bukuabu bua kuenza. Bible udi ubikila mushindu utudi nawu wa kukoleshangana mu ditabuja ne: ‘dipa dia nyuma.’ (Lomo 1:11, 12) Mmushindu kayi utudi mua kukoleshangana nadi?

Amba malu adi akankamija bakuabu. Tshilejilu, paudi wandamuna mu bisangilu, kutambi kuakula bua ngenyi yebe anyi bua nsombelu webe to, kadi tamba kuakula bua Yehowa, bua Dîyi diende, ne bua bantu bende. Paudi uyukila ne bena Kristo nebe, amba malu adi akolesha ditabuja diabu.

Enza bua mapangadika ebe ne biudi wenza bikankamije bakuabu. Tshilejilu, bidi mua kukankamija bamue bikole padibu bakumona utungunuka ne mudimu webe wa ku dîba ne ku dîba nansha muudi ne ntatu. Bidi mua kukankamija kabidi bakuabu bikole padibu bakumona ubuela mu tshisangilu tshia munkatshi mua lumingu pa tshibidilu nansha muudi usama anyi mutshioke bua mudimu wa bungi uudi muenze munda mua dituku.

Malu audi wamba ne audi wenza atu akankamija bena Kristo nebe anyi? Utu umona pebe bitubu bamba ne benza bua kukukankamija anyi?