Bakapeta “dibue dia busanga dia mushinga mukole”

Yezu wakalongesha ne: Bukalenge bua Nzambi nebujikije ntatu ya bantu yonso. (Matayi 6:10) Mu Matayi 13:44-46, wakafila bilejilu bibidi bidi bilonda ebi bua kuleja mushinga udi nawu bulelela budi butangila Bukalenge bua Nzambi:

• Muntu uvua wenda udima mu budimi, kuangulaye tshiuma tshisokoka mu mpukampuka.

• Ngenda mushinga uvua wenda ukeba mabue a busanga mimpe menemene, kupetaye dibue dia busanga dia mushinga mukole.

Bantu balume babidi abu bakapana bionso bivuabu nabi ne disanka anu bua kupeta biuma bia mushinga bivuabu bapete. Bantu balume abu badi baleja bantu badi bangata Bukalenge ne mushinga wa bungi; badipangisha malu a bungi bua kumona mua kupeta mabenesha afila Bukalenge. (Luka 18:29, 30) Mu filme eu, mona bualu bua bantu babidi badi bu bantu ba mu bilejilu bia Yezu.