Nzambi ke utu utukebela makenga anyi?

Diandamuna dia mu Bible

Bible udi uleja patoke ne: kabiena nanku to. Yehowa Nzambi kavua mufuke bantu bua bikale bakenga to. Kadi mulume ne mukaji ba kumpala bakatombokela bumfumu buende. Kudielelabu yabu mikenji ya tshidi tshimpe ne tshidi tshibi. Bakela Nzambi nyima, kutuadijabu kukenga.

Tudi tukenga petu lelu bua dipangadika diabu dibi divuabu bangate adi. Kadi Nzambi ki ngudi utukebela makenga nansha.

Bible udi wamba ne: “Padi muntu mu diteta kambi ne: ‘Badi banteta kudi Nzambi.’ Bualu Nzambi kena mua kutetshibua ne malu mabi ne yeye muine kena uteta muntu nansha umue nanku to.” (Yakobo 1:13) Makenga adi mua kukuata bantu bonso nansha badi Nzambi wanyisha.