Dimanyisha dia kuinshi

c Bafidi ba mumvuija mbaleje ne: bushuwa, dinanga dinekesha dia ditunga nkutendelela. Nenku, bantu bena ngikadilu wa dinanga dinekesha dia ditunga badi bushuwa batendelela tshitupa tshia nyama wa luonji tshileja-mpala kudi ditunga didibo basombele. Monayi tshitudi mene mua kubala pa bidi bitangila dinanga dinekesha dia ditunga ku Etats-Unis: “Dinanga dinekesha dia ditunga, didi mua kuangatshibua bu ntendelelu, didi ne bimanyinu bivule bifuanangane ne malongolodi manene a ntendelelu mikuabu ya kale. . . . Mu matuku etu aa, eu udi uvuija ditunga wende ntendelelu mmumanye bimpe mudiye mukokesha kudi nzambi wende wa buena-ditunga. Udi umvua dijinga dia kupeta diambuluisha Diende dikole. Udi witaba mudiye Yeye mpokolo wa dilubuluka diende ne diakalenga diende. Udi umukokela Yeye amu bu mudibu benza kudi batendeledi ba Nzambi. . . . Udi wangata ditunga bu tshintu tshidiku kashidi, ne ku mêsu kuende, lufu lua bana bena lulamatu badi bafuila ditunga ludi luenda luvudija lumu ne butumbi kabiyi ndekelu bia dine ditunga.”​—Carlton J. F. Hayes, mêyi mangata mu dibeji dia 359 dia mukanda wa What Americans Believe and How They Worship (Bidi bena Amerike bitabuja ne mushindu udibu batendelela), mufunda kudi Paul Williams.