Dimanyisha dia kuinshi

c Bamanyi ba malu a mu Bible badi baleja ne: bantu balume banayi abu bavua baditshipe mutshipu wa Bunazi. (Nom. 6:1-21) Bushuwa, bavua benza mutshipu wa nunku mu Mikenji ya Mose, kadi Mikenji ayi ikavua mifue. Nansha nanku Paulo uvua mua kuikala mumone ne: kabivua bibi bua bantu abu kukumbajabu mutshipu uvuabu benzele Yehowa to. Nanku kabivua bibi bua yeye kubafutshila bivua bikengedibua ne kuya nabu to. Katuena bamanye menemene mutshipu udibu bakuile to, kadi nansha wowu wa mushindu kayi, Paulo kavua mua kubasumbila nyama wa kufila bu mulambu (bu muvua Banazi benza), wela meji ne: mulambu awu uvua mua kubakezula ku mpekatu to. Bu mukavuaku mulambu mupuangane wa Yezu, milambu ya nunku kayitshivua kabidi ne bukole bua kubuikidilangana mpekatu to. Mu bionso bivua Paulo mua kuikala muenze, tudi mua kuikala batuishibue ne: kavua mua kuitaba bua kuenza bualu buvua mua kunyanga kondo kende ka muoyo to.