Dimanyisha dia kuinshi

e Shasete wa kumpala uvua mumanyike bu muntu uvua ushintuluka bikole, ne uvua ne tshikisu. Hérodote mumanyi wa malu a kale muena Greke, wakafunda amue malu a mvita ivua Shasete muele bena Greke. Mukalenge wakatuma dîyi bua benze tshilamba ne matu bua kusabuka mâyi a Hellespont. Pavua tshipepele tshinyange tshilamba, Shasete wakatuma dîyi bua bakose mitu ya bamanyi bavua benze tshilamba atshi, kutumaye too ne bantu bua banyoke Hellespont pa kututa mfimbu pa mâyi ne kubala mêyi a bipendu ne dîyi dikole. Anu bua mvita ayi, pavua mubanji kampanda mulombe bua muanende wa balume kabuedi mu busalayi, Shasete wakatuma dîyi bua bakose muana au bitupa bibidi, kulejaye bantu mubidi wende bua kubasopuesha.