Dimanyisha dia kuinshi

b Pashishe, biakajinguludibua se: bu mudi difesto dia diledibua dia mushinga mutambe bunene kadiyi ne bua kusekeledibua, katuena ne bua kusekelela difesto kayi dionso dia diledibua. Ku lukuabo luseke, bena Izalele nansha bena nkristo ba kumpala kabavua benza mafesto a diledibua to. Bible udi wakula anu bua mafesto abidi a diledibua, dimue dia Faraone ne dikuabo dia Herode Antipas. Mu dionso dia ku mafesto awu bakashipa muntu. Bantemu ba Yehowa kabatu basekelela mafesto a diledibua bualu bampangano ke bakaatuadija ne atu atumbisha benawu.​—Genese 40:20-22; Mâko 6:21-28.