Dimanyisha dia kuinshi

a Bamue bena Kristo badi benza mudimu mu mpitadi bavua ne bua kukonkonona muanda eu wa bukokeshi. Doktere udi mua kuikala ne bukokeshi bua kufundila mubedi manga anyi mishindu kampanda ya luondapu. Nansha bikala mubedi kayi mubenge, mmunyi mudi doktere muena Kristo udi ne bukokeshi mua kufundilangana diela dia mashi anyi kutudisha difu, padiye mumanye tshidi Bible wamba pa malu aa? Kadi, munganga udibu bangate ku mudimu mu lupitadi kêna mua kuikala ne bukokeshi ebu nansha. Padi munganga wenza midimu yende ya matuku onso, doktere udi mua kumuambila bua kuteta mashi bua tshipatshila kampanda anyi bua kukuba mubedi udi mulue bua kutudisha difu. Mu diumvuangana ne tshilejilu tshifunda mu 2 Bakelenge 5:17-19, udi mua kukoma ne: bu mudiye kayi ne bukokeshi bua kufundilangana diela dia mashi anyi kutudisha difu, udi mua kuenza patupu midimu ya diambuluisha bantu bu mudi mubedi eu. Bushuwa, udi anu ne bua kukonkonona kuondo kende ka muoyo, bua ‘kuikala ne [“kuondo ka muoyo katoke,” NW] ku mêsu kua Nzambi.’​—Bienzedi 23:1.