Dimanyisha dia kuinshi

b Mukenji mukuabu udi mua kumueneka wa mushinga uvua wamba ne: muntu mulume yonso uvua ne bitupa bia lulelu bitapike mputa munene anyi bikoseke kavua ne bua kubuela mu tshisumbu tshia bantu ba Nzambi nansha. (Dutelonome 23:1) Nansha nanku, mukanda wa Étude perspicace des Écritures udi uleja ne: ebi “bivua bitangila didipakuisha bua kuenza buendenda, bu mudi diangatangana dia mulume ne mulume.” Nanku, mukenji au kauvua utangila didipakuisha anyi tshintu kampanda tshivua tshiangata muaba wa dikanda lulelu nansha. Mukanda eu udi wamba kabidi ne: “Yehowa wakamanyisha mu mulayi kampanda udi ukolesha ku muoyo ne: tshikondo tshivua ne bua kulua tshivuaye mua kuitaba batungu bu bena mudimu bende, ne tshivua bantu aba ne bua kupeta dîna divua ne bua kuikala tshintu tshitambe buimpe kupita bana ba balume ne ba bakaji bu buobu ne bua kudileja bena butumike. Bu muvua Yezu Kristo mushipe Mikenji [ya Mose], bantu bonso bavua baleja ditabuja, ni bavua ne nsombelu kayi kumpala, bavua mua kulua bana ba Nzambi ba mu nyuma. Kakuvua disungulujangana dia ku mubidi nansha.​—Yeshaya 56:4, 5; Yone 1:12.”