Dimanyisha dia kuinshi

a Mêyi aa adi mua kuikala atangila majitu avua nawu mutangidi wa midimu ya ku ntempelo wa mu Yelushalema. Uvua wendakana butuku mu ntempelo mujima bua kumona bikala bena Lewi bavua batshishaku bavua batabale anyi balale miaba yabu ya mudimu. Mulami yonso uvuabu basangana mulale bavua bamukuma ne lukodi, ne bavua bosha bilamba biende bia pa mutu bua kumufuisha bundu.