Dimanyisha dia kuinshi

a Kumpala kua dishintuluka dia mu ngondo wa 10 mu 1917, bena Russie bavua balonda kalandriye ka kale ka Julien, kadi matunga a bungi akavua wowu alonda kalandriye ka Grégoire. Mu 1917 kalandriye ka Julien kavua kashadile kudi ka Grégoire ku matuku 13. Panyima pa dishintuluka edi, bena Russie bakangata kalandriye ka Grégoire bua kupetangana ne matunga makuabu onso. Kadi bena Ortodokse bakalama kalandriye ka Julien bua mafesto abu ne bavua bakabikila ne: kalandriye ka “Mushindu wa kale.” Bamue bena mu Russie batu basekelela Nowele mu dituku dia 7 mu ngondo wa kumpala. Tshidibi kupu muoyo ne: dituku dia 7 dia ngondo wa kumpala mu kalandriye ka Grégoire ke dituku dia 25 dia ngondo wa 12 mu kalandriye ka Julien. Nunku, bena Russie ba bungi batu benza mafesto abu mushindu eu: dia 25 ngondo wa 12, Nowele wa bena ku Mputu; dia 1 ngondo wa kumpala, Bunane bua bantu bonso; dia 7 ngondo wa kumpala, Nowele wa bena Ortodokse; dia 14 ngondo wa kumpala, Bunane bua kalandriye ka Julien.