Dimanyisha dia kuinshi

a Bamue bamanyi ba Bible badi bela meji ne: tshiambilu “dikoba ku dikoba” tshidi mua kuikala tshiumvuija ne: Yobo uvua mua kuitaba bua bana bende ne bimuna biende kujimijabu makoba abu anyi mioyo yabu tshibi yeye ushala ne diende dikoba anyi muoyo wende. Bakuabu pabu badi bela meji ne: tshiambilu atshi tshidi tshiumvuija ne: muntu uvua mua kuitaba bua kujimija bimue bitupa bia mubidi wende bua kupandisha muoyo wende. Tshilejilu, padibu bajinga kukuma muntu tshintu ku muntu udi mua kuteka diboko bua kabamukumi ku mutu to, dîba adi udi mua kujimija diboko bua kusungila muoyo wende. Bidi bimueneka patoke ne: tshiambilu etshi tshidi tshiumvuija ne: Yobo uvua mua kuitaba bua kujimija bionso bivuaye nabi bua kusungila muoyo wende.