Dimanyisha dia kuinshi

a Kadi badi mua kuenza tshinyi pikala muana udi wenda ukola mu difu dia mamu umueneka ne bulema kampanda anyi bana bikala ba bungi munda? Kuitaba bua kuimanyika dikola dia muana nkutudisha difu ku bukole. Diela mikuji munda mua mamu ne biamu ditu ne njiwu ya yeye kuimita difu dia bana babidi, basatu anyi ba bungi; dimita didi mua kulua ne njiwu ya kulela bana ba tubishi anyi kuenza bua mamu ajimije mashi a bungi. Badi mua kulomba mamu udi ne bana ba bungi munda bua itaba bua basungule bana badi munda, bashipe umue anyi bakuabu ba kudibu. Kuenza nunku nkutudisha difu ku bukole; kudi mumue ne kushipa muntu.​—Ekes. 21:22, 23; Mus. 139:16.