Dimanyisha dia kuinshi

a Amu padiku kupatuka muanda wa lukasa lukasa udi, bilondeshile munganga, ulomba diondapa diakamue ke padi ngondapilu udi wangatshibua bu udi ukengedibua bua muoyo anyi bua makanda a mubidi a muana (pamue ne diela mashi) mua kuenjibua pa kulonda mikenji, eku baledi anyi nzuji kabayi bafile dianyisha diabo. Pabi mu Zaïre, batu misangu yonso basesuka mikenji ne banyemena lukasa ku diela mashi dienzeja ku bukole kabiyi kuanji kulumbulula, anyi ku dipata mu lupitadi, bidi kabiyi dilonda mikenji ne bia ntupakenu! Pa tshibidilu, munganga udi ne bua kulumbulula bua dipangadika diende pikalaye mutumike ne ngondapilu eu wa lukasa lukasa mufunda mu mikenji.