MUSAMBU WA 52
Didilambula dia bena Kristo
Bia pa mabeji
(Ebelu 10:7, 9)
1. Bu muakafuka Yehowa
Bionso bidi panu,
Buloba ne diulu mbiende,
Se nyende midimu.
Wakafila mupuya wa
Muoyo kudi bonso;
Kudilejaye muakanyine
Ntendelelu wa bonso.
2. Yezu e kutambulaye
Anu bua buakane;
Kuambaye ne: ‘Nzambi, ngalu
Kuenza disua diebe.’
Kujukaye mu Yadene
Bu Muela manyi, ne
Bua butumike ulomba ne:
‘Disua diebe dienzeke.’
3. Tudi balu’apa, Yehowa,
Bua kukutumbisha,
Bua kudilambula kûdi,
Eku tudibenga.
Wakafila Muana webe,
E kutusumbaye;
Netuikale ne muoyo anu
Bua kuenza disua diebe.
(Bala kabidi Mat. 16:24; Mâko 8:34; Luka 9:23.)