MUSAMBU WA 87
Luayi tukoleshibue!
Bia pa mabeji
1. Mu buloba butudi mmunyanguke,
Kamuena njila wa Nzambi.
Mbimpe Yehowa kutulombolaye,
Tshianana, netuende bibi.
Bisangilu bietu bidi bitupa
Bukole, bitusangaja.
Bidi bitusaka ku malu mimpe,
Bitupa ne ditabuja.
Katulekedi mikenji ya Nzambi;
Tuenze anu disua diende.
Bisangilu bidi bituyisha bua
Tuetu kuenda mu buakane.
2. Yehowa mmumanye majinga etu;
Tulonde mibelu yende.
Kusumba tshikondo bua bisangilu
Nkueyemena Dîyi diende.
Mu bisangilu, patulongeshabu,
Netupete ditabuja.
Bana betu badi batuambuluisha,
Katuena nkayetu nansha.
Mututshidi bindile Mparadizu,
Tubuele mu bisangilu.
Netulongemu mua kuikala bantu
Bena meji a mu diulu.
(Bala kabidi Mis. 37:18; 140:1; Nsu. 18:1; Ef. 5:16; Yak. 3:17.)